XUÑO XA CHEGOU!
Cerramos o curso despois de varios meses de esforzos, de éxitos, de
ensaios, de erros e de progresos. É o momento de facer balance, e o balance que
facemos é moi positivo tendo en conta por todo o que pasamos xuntos.
Outro grupo de nenos e nenas pasa polas nosas vidas deixando unha pegada
nas nosas emocións, sentimentos, e como xa sabemos na nosa profesión todo pasa
primeiro polo corazón. E nós, as vosas profesoras e profesores querémosvos
moito a todos/as. No noso corazón hai espazo para todos/as.
Ademais, esperamos tamén ter deixado nos nosos alumnos a nosa pegada. Que
nos recorden con cariño e recorden aquelas cousas que aprenderon con nós. Queremos
agradecer todo o bo que recibimos día a día dos nosos nenos e nenas.
Debedes recordar as cousas boas, pero tamén os erros. Porque son os que nos
fan máis sabios cada día. Propoñédevos novas metas, desfrutade do que vos rodea
dentro do posible. Sempre hai unha luz ao final do camiño. Aínda que todo pareza
confuso o próximo curso, seguro que todos atoparemos esa luz.
DESFRUTADE DAS VACACIÓNS, DESCANSADE, RELAXÁDEVOS E REPOÑEDE FORZAS! AS
VOSAS PROFESORAS AGARDAN POR VÓS O CURSO QUE VÉN CON TODA A ILUSIÓN DE SEMPRE!
